ნატა სტურუა არის სამართლის დოქტორი, მან განათლება მიიღო თბილისის სახელმწიფო უნივერსიტეტში და ვენის სახელმწიფო უნივერსიტეტში. იგი არის გერმანიის ჰერთის მართვის სკოლის აკადემიის კურსდამთავრებული.
ის წლების განმავლობაში მუშაობს განათლების სფეროში, საჯარო ორგანიზაციებში და კერძო კომპანიებში. პარალელურად ასწავლის სხვადასხვა უნივერსიტეტში.
2017 წლიდან არის საქართველოს ოკუპირებულ ტერიტორიებიდან დევნილთა, შრომის, ჯანმრთელობის და სოციალური დაცვის სამინისტროს შრომის მედიატორი. იგი თანამშრომლობს სხვადასხვა საერთაშორისო ორგანიზაციებთან, როგორც სამართლებრივი ექსპერტი. 2016 წლიდან არის საქართველოს უნივერსიტეტის გუნდის მწვრთნელი მედიაციის საერთაშორისო კონკურსებში. მისი მწვრთნელობით გუნდმა 2019 წელს საერთაშორისო სავაჭრო პალატის მიერ ორგანიზებულ კონკურსში მესამე საპრიზო ადგილი დაიკავა. 
მას აქვს გამოქვეყნებული ნაშრომები, როგორც შრომის სამართლის, ისე მიგრაციის, მომხმარებელთა უფლებების სფეროში.