1-3 ივლისს, საქართველოს უნივერსიტეტის პრეზიდენტმა, ქალბატონმა გიული ალასანიამ, მონაწილეობა მიიღო გაეროსა და ნიზამი განჯელის საერთაშორისო ცენტრის მიერ ორგანიზებულ კონფერენციაში, როგორც ამ ცენტრის ბორდის წევრმა. საქართველოს უნივერსიტეტის პრეზიდენტმა, საქართველოს უნივერსიტეტის გადაწყვეტილებით, საპატიო დოქტორის ხარისხით დააჯილდოვა ტედროს ადანომ გებრეიესუსი - დიპლომატი და ჯანდაცვის მსოფლიო ორგანიზაციის გენერალური დირექტორი.

აღსანიშნავია, რომ საერთაშორისო კონფერენცია მსოფლიო ინვესტიციების ანგარიშის ძირითად ანალიზს ეხებოდა, რომელიც იკვლევს ციფრული პირდაპირი უცხოური ინვესტიციების (FDI) მამოძრავებელ და განმსაზღვრელ ფაქტორებს, ციფრულ ეკონომიკაში საერთაშორისო ინვესტიციების ხელშეწყობისა და რეგულირების ეროვნული პოლიტიკის ჩარჩოებს და საინვესტიციო პოლიტიკის როლს ციფრული განვითარების სტრატეგიებში.