შეჯიბრი ყოველწლიურად თებერვალში პარიზში იმართება და მასში კონკურსის წესით შერჩეული მსოფლიოს წამყვანი უნივერსიტეტის სამართლის სკოლის 66 გუნდი იღებს მონაწილეობას. 
პირველ 4 რაუნდში საქართველოს უნივერსიტეტმა ითამაშა აშშ-ს Benjamin Cardozo School of Law-ს, ბრაზილიის Sao Paolo Law School-ის, დანიის Aarhus University-ის და ინდოეთის National Academy of Legal Studies and Research (NALSAR)-ის გუნდების წინააღმდეგ. 
ჩვენმა გუნდმა პირველი შესარჩევი რაუნდი წარმატებით გაიარა და 16 გუნდს შორის. მერვედფინალში შეხვდა კანადის University of Montreal-ის გუნდს და გაიმარჯვა. 
ჩვენი გუნდი გადავიდა მეოთხედფინალში, რვა საუკეთესო გუნდში - შეხვდა ტეხასის უნივერსიტეტს - South Texas College of Law Houston-ს და გაიმარჯვა. 
საქართველოს უნივერსიტეტის სამართლის სკოლის გუნდი მოხვდა საუკეთესო ოთხეულში. ბოლო რაუნდში შეხვდა კონკურისის ფავორიტ ახალი ზელანდიის უნივერსიტეტის გუნდს - University of Auckland. თამაში ძალიან სანახაობრივი იყო, ჩვენი გუნდი ვერ გადავიდა ფინალში და წააგო კონკურსის გამარჯვებულ გუნდთან.

არცერთი ქართული მონაწილე გუნდი არასდროს მომხვდარა 16-ეულშიც კი.

საქართველოს უნივერისტეტის გუნდმა ისტორია დაწერა, ჩვენი სკოლისთვის, ჩვენი უნივერსიტეტისთვის და, რაც მთავარია, ჩვენი ქვეყნისთვის.