სიახლეები
23 მაისს საქართველოს უნივერსიტეტის ბიზნესის სკოლის ტურიზმის პროგრამამ უმასპინძლა ინდოეთის ერთ-ერთი წამყვანი კერძო უნივერსიტეტის, Chandigarh University-ს ტურიზმის დეპარტამენტის ხელმძღვანელს, პროფესორ სანდიფ გულერიას.
ვიზიტი განხორციელდა ორ უნივერსიტეტს შორის გაფორმებული ურთიერთთანამშრომლობის მემორანდუმის ფარგლებში. პროფესორმა სტუდენტებისთვის ჩატარებულ ლექციებზე განიხილა ტურისტული პროდუქტის, კულტურული ტურიზმის, მდგრადობისა და არამატერიალური ტურისტული პროდუქტის რეგენერაციის ძირითადი ასპექტები.
ვიზიტის ფარგლებში გაიმართა სამუშაო შეხვედრა ბიზნესის სკოლის დირექტორთან, მაია ამაშუკელთან, ტურიზმის პროგრამის მენეჯერ ნინო დევიძესთან და ადამიანური კაპიტალის დეპარტამენტის ხელმძღვანელ მარიამ ჯანჯარასთან ერთად, რომელზეც განხილული იყო სამომავლო თანამშრომლობის პერსპექტივები და მიმართულებები.
