სიახლეები
საქართველოს უნივერსიტეტში ამა წლის 24 თებერვალს ჩატარდა საჯარო ლექცია თემაზე “ნევროზი, დეპრესია, სუიციდი, პანიკური შეტევები და მათი მართვის თანამედროვე მეთოდები”, რომელსაც უძღვებოდა ილიას უნივერსიტეტის ფსიქიკური ჯანმრთელობის რესურს-ცენტრის ხელმძღვანელი, ფონდის "გლობალური ინიციატივა ფსიქიატრიაში - თბილისი" დირექტორი, ფსიქიატრი ნინო მახაშვილი. ლექციას ესწრებოდნენ საქართველოს უნივერსიტეტის, ასევე სხვა უმაღლესი სასწავლებლების სტუდენტები და სამედიცინო სექტორის წარმომადგენლები. ლექციაზე განხილული იყო დღეისათვის აქტუალური ისეთი საკითხები, როგორიცაა ფსიქიკური დარღვევების სახეები, დეპრესია, სუიციდის მიზეზები და პრევენციის გზები, პანიკური შეტევების მართვის მეთოდები და სხვა.
