მიმდინარე, 2015  წლის 17-18  აპრილს, ქ. ბათუმის შოთა რუსთაველის სახელობის სახელმწიფო  უნივერსიტეტში  ჩატარდა VII  საერთაშორისო  სამეცნიერო  კონფერენცია - „ჩვენი სულიერების ბალავარი“. კონფერენციის მუშაობაში მონაწილეობა მიიღო საქართველოს უნივერსიტეტის  ჰუმანიტარული სკოლის პროფესორმა თამარ ქორიძემ, რომლის მოხსენების თემა იყო  „აფხაზეთის (დასავლეთ საქართველოს) საკათალიკოსოს ცენტრალური და ადგილობრივი მმართველობა XVI-XVIII საუკუნეებში  (დიპლომატიკური წყაროების მიხედვით)“ (თანამომხსენებელი ისტორიის დოქტორი, ხელნაწერთა ეროვნული ცენტრის მეცნიერ-თანამშრომელი თ. ქართველიშვილი). კონფერენცია, რომელიც თემატური იყო და  ეკლესიის ისტორიის საკითხებს  ეძღვნებოდა, საინტერესოდ წარიმართა, წარმოაჩინა არა ერთი სამეცნიერო სიახლე და შეფასდა, როგორც ერთ-ერთი  გამორჩეულად  ნაყოფიერი სამეცნიერო ფორუმი.