24 ივნისს, საქართველოს უნივერსიტეტის ჯანმრთელობის მეცნიერებების სკოლის გლობალური და ევროპული ჯანმრთელობის განათლებისა და კვლევების ინსტიტუტმა უმასპინძლა ემორის უნივერსიტეტისა და EGTB-RTP ფოგარტის პროგრამის პროფესორებსა და მკვლევრებს, პროფესორ ჰენრი ბლუმბერგის, ტუბერკულოზის კვლევების საერთაშორისო ექსპერტის, ხელმძღვანელობით. 

მოწვეული სტუმრები გაეცნენ არსებულ სასწავლო პროგრამებს და აკადემიურ კურსებში გლობალური ჯანმრთელობის დისციპლინის ინტეგრაციის ქართულ გამოცდილებას. სტუმრებმა დაათვალიერეს საუნივერსიტეტო კამპუსი. შეხვედრის ფარგლებში, გაიმართა დისკუსია შემდგომი თანამშრომლობის მიმართულებებსა და ერთობლივ პროექტებზე.