7 ნოემბერს საქართველოს უნივერსიტეტის ჯანმრთელობის მეცნიერებების სკოლას სტუმრობდნენ ჯანმოს არაგადამდებ დაავადებათა გლობალური პლატფორმის მისია მისი დირექტორის, ქალბატონი სვეტლანა აქსელროდის ხელმძღვანელობით. დელეგაციაში ასევე იყვნენ ჯანმოს გენერალური დირექტორის მოადგილის ოფისის წარმომადგენელი, ქალბატონი თეა ქოლინსი და პლატფორმის პოლიტიკის და ადვოკატირების მიმართულების ხელმძღვანელი ქალბატონი დარია ბერლინა და ჯანმოს საქართველოს ოფისის წარმომადგენელი კახა ღვინიანიძე.

სტუმრები გაეცნენ სკოლის პერსონალს, სასწავლო პროგრამებს, მიღწევებს და სამომავლო გეგმებს. შეხვედრაზე გამოითქვა მოსაზრებები და წინადადებები სამომავლო თანამშრომლობასთან დაკავშირებით ერთობლივი კვლევების დაგეგმვის, აკრედიტებული ერთობლივი მოკლევადიანი სასწავლო კურსების ორგანიზების და ზოგადად, ჯანმოსთან თანამშრომლობის გაფართოვებისა და გაღრმავების შესახებ.