წიკლაური რობიზონი - მოწვეული ლექტორი, საქართველოს უნივერსიტეტის ჯანმრთელობის მეცნიერებათა და საზოგადოებრივი ჯანდაცვის სკოლაში. დაამთავრა თსსუ-ს პროფილაქტიკური მედიცინის (სან-ჰიგიენური) ფაკულტეტი. 1993 წელს ჩაირიცხა თბილისის სახელმწიფო უნივერსიტეტში და 1994 წელს დაამთავრა თსუ-ს ბიზნესის უმაღლესი სკოლა (საერთაშორისო ბიზნესი და საგარეო ვაჭრობის ფაკულტეტი). 1988-1994 წლებში მუშაობდა რესპუბლიკურ სანიტარიულ-ეპიდემიოლოგიურ სამსახურში, ექიმი-ეპიდემიოლოგის თანამდებობაზე. 1994 წელს მიაკუთვნეს ექიმი-ეპიდემიოლოგის პირველი კატეგორია. 1995-1996 წლებში ვმუშაობდი აშშ დაავადებათა კონტროლისა და პრევენციის ცენტრებში (CDC-Atlanta), ამიერკავკასიის (თბილისის) ოფისში, იყო ექსპერტი ეპიდემიოლოგიისა და დაავადებათა პრევენციის სფეროში (დიფთერიის ეპიდემიის ლიკვიდაციის კუთხით). 1995-1996 წელს ამერიკის უნივერსიტეტში გაიარა CDC-Atlanta-ის სპეციალური კურსი, გამოყენებით ეპიდემიოლოგიაში, ბიოსტატისტიკასა და სამედიცინო კომუნიკაციებში. აგრეთვე კურსი საზოგადოებრივ ჯანდაცვის ზედამხედველობაში Epi Info და Epi Map-ის გამოყენების კურსები. 1996 წლიდან მუშაობდა საქართველოს ჯანმრთელობის დაცვის სამინისტროში (საზოგადოებრივი ჯანდაცვის დეპარტამენტი), 1997-1999 წლებში სახელმწიფო პროგრამის კოორდინატორის თანამდებობაზე. 1999 წელს შვედეთში (SIDA) დაამთავრა სამედიცინო პროგრამების მენეჯმენტის საკვალიფიკაციო კურსი საზოგადოებრივი ჯანმრთელობასა და პირველად ჯანდაცვაში. 2004-2007 წლებში ეკავა დაავადებათა პრევენციისა და ეპიდსიტუაციის მართვის სამმართველოს უფროსის თანამდებობა (2005-2007 წლებში ვიყავი ჯანმრთელობის მსოფლიო ორგანიზაციის დროებითი მრჩეველი), ხოლო 2007-2010 წლებში დაავადებათა კონტროლისა და საზოგადოებრივი ჯანმრთელობის ეროვნულ ცენტრში ეპიდაფეთქებებზე რეაგირების სამმართველოს უფროსის თანამდებობა. ამჟამად მუშაობს იგივე დაწესებულებაში გარემოს რისკ-ფაქტორთა შეფასების და მონიტორინგის სამმართველოს უფროსად. გავლილი აქვს სხვა ბევრი საკვალიფიკაციო კურსები ეპიდემიოლოგიის და დაავადებათა კონტროლის სფეროში, როგორც საქართველოში ისე უცხოეთის ქვეყნებში. აქვს გამოქვეყნებული ბევრი ნაშრომი. აღებული აქვს რამდენიმე სამედიცინო გრანტი. პარალელურად მოღვაწეობდა არასამთავრობო ორგანიზაციებში, როგორც ექსპერტი/პროექტის ხელმძღვანელი (Welfare Foundation, JSI, Oxfam, JICA და სხვა). ფლობს ინგლისურ, რუსულ და ქართულ ენებს.
