Erasmus+ გაცვლით პროგრამაში მონაწილეობა ჩემთვის ერთ-ერთი ყველაზე გარდამტეხი და ღირებული გამოცდილება აღმოჩნდა. მქონდა შესაძლებლობა ერთი სემესტრის მანძილზე მესწავლა რუმინულ-ამერიკულ უნივერსიტეტში, ქალაქ ბუქარესტში.

უნივერსიტეტში სწავლება გამოირჩეოდა თანამედროვე, პრაქტიკულ ცოდნაზე ორიენტირებული მიდგომებით. ლექციები ინტერაქციული და დინამიკური იყო, რაც სტუდენტებს აძლევდა შესაძლებლობას აქტიურად ჩართულიყვნენ სასწავლო პროცესში. განსაკუთრებით მნიშვნელოვანი იყო ინტერკულტურულ გარემოში სწავლა - სხვადასხვა ქვეყნის სტუდენტებთან ერთად მუშაობა, აზრთა გაცვლა და განსხვავებული კულტურული ხედვების გაზიარება. ამ გამოცდილებამ კიდევ უფრო დამარწმუნა, რომ საერთაშორისო, ევროპულ გარემოში სწავლა არის გზა, რომელიც მნიშვნელოვნად აძლიერებს პროფესიულ კონკურენტუნარიანობას.

გაცვლითი პროგრამის მნიშვნელოვანი ნაწილი იყო ენობრივი გამოცდილება. სწავლება ინგლისურ ენაზე მიმდინარეობდა, რამაც მნიშვნელოვნად გამიუმჯობესა როგორც აკადემიური, ისე პროფესიული კომუნიკაციის უნარები. ამასთანავე, ბუქარესტში ცხოვრების პერიოდში გავეცანი რუმინულ ენას, რაც დამეხმარა ადგილობრივი კულტურისა და გარემოს უკეთ აღქმაში.

ეს გამოცდილება ჩემთვის არ იყო მხოლოდ აკადემიური მობილობა - ეს იყო თვითგანვითარებისა და ახალი შესაძლებლობების აღმოჩენის პროცესი, რისთვისაც უზომოდ მადლიერი ვარ. მჯერა, რომ მსგავსი გამოცდილება თითოეული სტუდენტისთვის შეიძლება გახდეს მნიშვნელოვანი ნაბიჯი როგორც პროფესიული, ისე პიროვნული განვითარების გზაზე.

მსურს წარმატებები ვუსურვო რუმინულ-ამერიკულ უნივერსიტეტს, საქართველოს უნივერსიტეტს და ყველა მომავალ სტუდენტს, ვინც მონაწილეობს ან აპირებს მონაწილეობას გაცვლით პროგრამაში. 

ჩემი სახელია ალი ბერი, მე ვარ კომპიუტერული ინჟინერიის პროგრამის სტუდენტი საქართველოს უნივერსიტეტში, ლიბანის რესპუბლიკიდან. შემოდგომის სემესტრში, მივიღე საოცარი შესაძლებლობა, მესწავლა პოლონეთში, პოზნანში, Erasmus+ გაცვლითი პროგრამის ფარგლებში.

უცხოეთში სწავლა მხოლოდ ლექციებზე დასწრება არ იყო — ეს იყო შესაძლებლობა გამეცნო ახალი აკადემიური სისტემა, შევხვედროდი ადამიანებს მსოფლიოს სხვადასხვა ქვეყნიდან და გამეღრმავებინა ცოდნა სხვადასხვა კულტურის შესახებ. მომეცა საშუალება გამეუმჯობესებინა ჩემი ტექნიკური უნარები, გამეცნო ახალი პერსპექტივები ჩემს სფეროში და უფრო კარგად განმევითარებინა საკუთარი თავი, როგორც პროფესიულად, ისე პიროვნულად.

აკადემიური გამოცდილების გარდა პოლონეთში ცხოვრებამ მომცა საშუალება მნიშვნელოვანი კავშირები დამემყარებინა. გავიჩინე მეგობრებები და დავაგროვე დაუვიწყარი მოგონებები. Erasmus+ ნამდვილად არის გამოცდილება, რომელიც აფართოებს ჰორიზონტებს და უწყობს ხელს ცხოვრების ყველა ასპექტში ზრდას.

მნიშვნელოვნად მადლობელი ვარ საქართველოს უნივერსიტეტის იმისთვის, რომ მომცა ეს დაუვიწყარი შესაძლებლობა და მხარს უჭერს სტუდენტებს საერთაშორისო გამოცდილებების მიღებაში.

როდესაც გერმანიაში, კერძოდ ბამბერგში ჩამოვედი სასწავლებლად, აღმოვაჩინე ფაქტები საკუთარ თავზე, სამყაროსა და სოციუმზე, რომელთა არსებობის შესახებაც აქამდე არ ვიცოდი. გავხდი მეტად თავდაჯერებული და დამოუკიდებელი. შესაგუებლად დრო დამჭირდა, შეცდომებიც დავუშვი, თუმცა პროცესში დავდექი ადამიანი, რომლითაც ვამაყობ.

აკადემიური გარემო და სწავლის მეთოდები განსხვავებულია. ვნახე, თუ როგორი განვითარებული სტუდენტები არიან აქ და რამდენად ძლიერ ლიდერულ უნარებს ფლობენ. საჯარო გამოსვლის ტექნიკები ადრეული ასაკიდან აქვთ ნასწავლი. მათმა კრიტიკულმა აზროვნებამ სხვადასხვა ასპექტებთან დაკავშირებით შთამაგონა.

გავიჩინე უამრავი მეგობარი, შევიცანი მათი კულტურა და დავაგროვე დაუვიწყარი მოგონებები, რომლებიც მთელი ცხოვრების განმავლობაში გამყვება თან. მადლობა საქართველოს უნივერსიტეტს ამ შესაძლებლობისთვის!

მე ვარ ნინო წალდაძე, საერთაშორისო ურთიერთობების მეორე კურსის სტუდენტი. გაცვლითი პროგრამის ფარგლებში შესაძლებლობა მქონდა შემოდგომის სემესტრი მესწავლა ევროპის ერთ-ერთ უდიდეს და პრესტიჟულ უნივერსიტეტ Università di Roma La Sapienza-ში. გაცვლით პროგრამაში მონაწილეობა ჩემს პიროვნულ და პროფესიულ განვითარებაში მნიშვნელოვან ეტაპს წარმოადგენს. 

საერთაშორისო გარემოში სწავლამ მომცა შესაძლებლობა, გამეაზრებინა სხვადასხვა კულტურასა და საგანმანათლებლო პრაქტიკებს შორის არსებული განსხვავებები, რამაც მნიშვნელოვნად გამიღრმავა პროფესიული ხედვა.

მადლობა საქართველოს უნივერსიტეტს, სტუდენტობის განსაკუთრებულ, დაუვიწყარ გამოცდილებად ქცევისთვის. საქართველოს უნივერსიტეტი არის სივრცე, რომელიც ქმნის შესაძლებლობებს და ღირსეულ კონკურენციას უწევს ევროპულ უნივერსიტეტებს იმ განათლების  ხარისხით, რომელსაც სტუდენტებს გვთავაზობს.

ამიერიდან სიტყვა საუკეთესოს გაგონებაზე გონებაში მუდამ იმ ხუთი თვის მოგონებები ამომიტივტივდება, ბელგიაში რომ გავატარე. ანტვერპენი ჩემს მეორე სახლად იქცა - განათლების გარდა საინტერესო ადამიანები, ფასდაუდებელი გამოცდილებები და ინტერესები მაჩუქა, ისეთი შეგრძნება დამიტოვა, თითქოს სემესტრის დაწყებიდან ხუთი თვე კი არა, ხუთი წელი გავიდა და ამასობაში იმდენი ნაყოფიერი წამი შეემატა ჩემს დღეებს, აქამდე რომ ვერც ვინატრებდი. 

ამ პერიოდის განმავლობაში ყველა შესაძლებლობა გამოვიყენე ჩემი ქვეყნის ღირსეულად წარსადგენად, უკეთ გავაანალიზე, რა სფეროში ღირს ჩემი უნარების გამოცდა - განვითარება და  უამრავი მეგობარიც შევიძინე.

მადლობა საქართველოს უნივერსიტეტს შთამბეჭდავი შესაძლებლობისთვის, აბიტურიენტობისას გაკეთებული არჩევანით მუდამ ვიამაყებ!

ჩემს ცხოვრებაში ერთ-ერთი საუკეთესო გადაწყვეტილება იყო გაცვლითი პროგრამით ლოძის უნივერსიტეტში სწავლა. აქ განათლების მიღებასთან ერთად ბევრი მეგობარი შევიძინე და კარგი მოგონებებიც დავაგროვე.  ეს არის უნივერსიტეტი, სადაც პროფესორები და სტუდენტები ყოველთვის  მზად არიან დაგეხმარონ და მოგცენ ის ცოდნა, რასაც ხარისხიანი განათლება ჰქვია.

ლოძში სწავლის პარალელურად Erasmus Student Network-ის პროექტის ფარგლებში ორჯერ ჩავატარე შეხვედრა სკოლის მოსწავლეებთან.  ასევე მონაწილეობა მივიღე ჟურნალისტურ ვორქშოფში, რაც საუკეთესო პრაქტიკული გამოცდილება იყო ჩემთვის. გარდა ამისა, შესაძლებლობა მაქვს საუნივერსიტეტო პოდკასტში, როგორც მიწვეული სპიკერი, ვისაუბრო დღევანდელ ჟურნალისტიკაზე საქართველოში.

ჩემთვის საზღვარგარეთ სწავლის პერიოდში მიღებული გამოცდილება ნამდვილად დაუვიწყარია. ამისათვის, მინდა მადლობა გადავუხადო საქართველოს უნივერსიტეტს!