მე ვარ ლუკა კახეთელიძე და ვსწავლობ საქართველოს უნივერსიტეტში. გაზაფხულის სემესტრი გავატარე ბულგარეთში გაცვლითი პროგრამის ფარგლებში და ეს პერიოდი ჩემს აკადემიურ და პიროვნულ განვითარებაში განსაკუთრებულად მნიშვნელოვანი იყო.

მივიღე ხარისხიანი განათლება, დავესწარი საინტერესო ლექციებს, რომლებიც გამორჩეული იყო პრაქტიკული მიდგომით და სტუდენტების ჩართულობით. გარდა აკადემიური წინსვლისა, მქონდა შესაძლებლობა გამეცნო ბულგარული კულტურა, შევიძინე ბევრი მეგობარი და გავიუმჯობესე ინგლისური ენა.

გაცვლით პროგრამაში მონაწილეობა ჩემთვის ძალიან ღირებული გამოცდილება იყო და მომავალშიც აუცილებლად ვისარგებლებ მსგავს შესაძლებლობებით.

Erasmus-ის პროგრამის ფარგლებში პორტუგალიაში, IPbeja უნივერსიტეტში გატარებული ერთი სემესტრი ყველაზე დაუვიწყარი და შთამაგონებელი გამოცდილება იყო ჩემთვის. 

ერთი სემესტრის განმავლობაში გავეცანი ევროპული სწავლების სტანდარტებს, ძალიან მრავალფეროვანი, საინტერესო და ინტერაქციული ლექციები გვიტარდებოდა დატვირთული პრაქტიკული სამუშაოებითა და გასვლითი ღონისძიებებით.

სხვადასხვა ქვეყნიდან სტუდენტების გაცნობა, მათი კულტურის შეცნობა და საქართველოს შესახებ ინფორმაციის გაზიარება ვფიქრობ ყველაზე მნიშვნელოვანი ნაწილი იყო ამ პროექტის. ამ პროექტმა ასევე მომცა საშუალება რომ მემოგზაურა პორტუგალიაში და იქაურ ტრადიციებს გავცნობოდი. დამოუკიდებლად ცხოვრებამ კი სრულიად შეცვალა ჩემი ცხოვრების სტილი და დამოკიდებულებები. 

ძალიან დიდი მადლობა მინდა გადავუხადო ამ შესაძლებლობისთვის საქართველოს უნივერსიტეტს, მათ გუნდს და ევროკავშირს ერასმუსის პროგრამის არსებობისთვის.

გაცვლითი სემესტრი ლინეს უნივერსიტეტში, შვედეთში, იყო მნიშვნელოვანი აკადემიური და კულტურული გამოცდილება. სწავლა უცხო გარემოში მაძლევდა შესაძლებლობას შემესწავლა საგნები განსხვავებული პერსპექტივიდან და შემედარებინა საგანმანათლებლო სისტემები. ლინეს უნივერსიტეტის პრაქტიკულ და სტუდენტზე ორიენტირებულ მიდგომაზე დაფუძნებული სწავლების მეთოდები განსაკუთრებით შთამაგონებელი იყო. მიღებული ცოდნა და უნარები არა მხოლოდ აკადემიური თვალსაზრისით გამიღრმავდა, არამედ მნიშვნელოვანი ნაწილი გახდა ჩემი საერთაშორისო გამოცდილებისა და მნიშვნელოვნად შეუწყო ხელი პროფესიულ განვითარებას.

ეს გამოცდილება მხოლოდ ჩემს დისერტაციას არ აყალიბებს; ის გარდაქმნის ჩემს ხედვას თუ როგორ მივუდგე რთულ თემებს გლობალური პერსპექტივით. საერთაშორისო აკადემიურ გარემოში ჩართვა მაძლევს შესაძლებლობას, კრიტიკულად ვიფიქრო, შემოქმედებითად მივუდგე პრობლემებს და გავიაზრო სხვადასხვა აკადემიური პერსპექტივა. უნარები, რომლებსაც ვანვითარებ - იქნება ეს კვლევა, კულტურათაშორისი კომუნიკაცია თუ ახალ გარემოსთან სწრაფი ადაპტაციის უნარი - ფასდაუდებელია არა მხოლოდ ჩემი აკადემიური კარიერისთვის, არამედ ჩემი მომავალი პროფესიული განვითარებისთვისაც.

საპიენცაში სწავლა ჩემთვის გარდამტეხი გამოცდილება იყო. ახალ აკადემიურ კულტურაში ჩართვამ, წამყვანი პროფესორებისგან სწავლის პროცესმა და საერთაშორისო თანამშრომლობამ გამიფართოვა თვალსაწიერი ისე, როგორც ვერ წარმოვიდგენდი. ამ გაცვლითმა პროგრამამ მომცა თავდაჯერებულობა, რომ ახალი შეხედულებები ჩემს ნამუშევრებში გადამეტანა. ეს არის გამოცდილება, რომელიც სცილდება აკადემიურ მიღწევებს.

ჩემი გაცვლითი სემესტრი ტომას ბატას უნივერსიტეტში იყო უნიკალური გამოცდილება, რომელიც შესაძლებელი გახდა საქართველოს უნივერსიტეტის დახმარებით, რისთვისაც მადლობას ვუხდი მათ. ამ გამოცდილებამ მომცა შესაძლებლობა მიმეღო მაღალი ხარისხის განათლება საერთაშორისო გარემოში, რამაც მნიშვნელოვნად გაამდიდრა ჩემი აკადემიური და კულტურული პერსპექტივები. სასწავლო პროცესს მიღმა, შევიძინე მეგობრები, რომლებიც მეორე ოჯახად მექცა, რაც კიდევ ერთხელ მარწმუნებს გლობალური კავშირების მნიშვნელობაში.

ამასთანავე, ეს იყო შესაძლებლობა, გამეზიარებინა ჩემი ქვეყნის ისტორია სხვებისთვის. ჩემს ბევრ თანატოლს მცირე წარმოდგენა ჰქონდა საქართველოზე, და მე უდიდეს სიამოვნებას მანიჭებდა მათთვის ჩვენი მდიდარი ისტორიისა და სოციალურ-ეკონომიკური გამოწვევების გაცნობა, რაც მათ ახალი პერსპექტივების დანახვაში ეხმარებოდა.

ეს გაცვლითი პროგრამა არა მხოლოდ აკადემიური გამოცდილება იყო, არამედ გარდამტეხი ეტაპი პიროვნული და ინტელექტუალური ზრდისთვის—რომელიც სამუდამოდ დარჩება ჩემთან.

საქართველოს უნივერსიტეტმა უკვე მეორედ მომცა შესაძლებლობა მონაწილეობა მიმეღო გაცვლით პროგრამაში. პირველად ლოძის უნივერსიტეტში, პოლონეთში მენეჯმენტის ფაკულტეტზე Mobility Direct პროგრამით. ამჟამად კი Erasmus+ პროგრამით ვიმყოფები ბეჟას პოლიტექნიკურ უნივერსიტეტში, პორტუგალიაში ბიზნეს მენეჯმენტის ფაკულტეტზე.

 გაცვლითი პროგრამების დროს არა მარტო აკადემიურად და პიროვნულად განვითარდები, არამედ შეიძენ პროფესიულ კავშირებს. გაცვლითი პროგრამები საკუთარი თავის შეცნობაში და პიროვნულად ჩამოყალიბებაში გეხმარება. საინტერესოა მულტიკულტურულ გარემოში ცხოვრება, რაც ბევრ გამოწვევასთან და გამოცდილებასთანაა დაკავშირებული. ეცნობი ევროპულ ღირებულებებსა და კულტურას. 

გაცვლითი პროგრამის ყველაზე დიდი ხიბლიც ეს არის-ახალი გარემო, ადამიანები, გამოწვევები და მოგზაურობის შესაძლებლობა. Erasmus-ის დაუვიწყარ მოგონებად კი დამრჩება ფერად და სიცოცხლით სავსე პორტუგალიაში მოგზაურობა.