პროგრამის აღწერა

საქართველოს უნივერსიტეტის საერთაშორისო ურთიერთობებისა და საერთაშორისო სტუდენტების სამსახური აცხადებს გაცვლით პროგრამას Erasmus+ Key Action 107 პროექტის ფარგლებში საქართველოს უნივერსიტეტის ინგლისური ფილოლოგიის სამაგისტრო და სადოქტორო საფეხურის სტუდენტებისთვის პავოლ იოზეფ შაფარიკის უნივერსიტეტში (UPJS), სლოვაკეთში.

იხილეთ უნივერსიტეტის ვებ-გვერდი - https://www.upjs.sk/en/?prefferedLang=EN

პროგრამის ფარგლებში შერჩეული სტუდენტები ისწავლიან პავოლ იოზეფ შაფარიკის უნივერსიტეტში 1 სემესტრის განმავლობაში (გაზაფხულის სემესტრი - 2021-2022 აკადემიური წელი)

გაზაფხულის სემესტრი UPJS-ში გრძელდება 2022 წლის 14 თებერვლიდან 2022 წლის 1 ივლისამდე.

https://www.upjs.sk/information/current-students/academic-calendar/2021-2022/

პროგრამაზე აპლიკაციის შემოტანა შეუძლიათ მხოლოდ ინგლისური ფილოლოგიის სამაგისტრო ან სადოქტორო პროგრამების სტუდენტებს, რომლებსაც აპლიკაციის შემოტანის მომენტში აქტიური სტატუსი აქვთ საქართველოს უნივერსიტეტში.

გაცვლითი პროგრამის ფარგლებში სტუდენტი მიიღებს როგორც ყოველთვიურ სტიპენდიას, ასევე მგზავრობისთვის განკუთვნილ გრანტს.  

სასწავლო შემოთავაზება

UPJS-ს British and American Studies დეპარტამენტის მიერ ინგლისურ ენაზე შემოთავაზებული საგნების სია იხილეთ აქ:   https://www.upjs.sk/en/university/international-relations/erasmus-plus/british-and-american-studies-courses/

სტუდენტებს შეუძლიათ მხოლოდ იმ საგნების სწავლა, რომელიც განკუთვნილია Summer სემესტრისთვის (იხილეთ აღნიშვნა საგნის გასწვრივ).

გთხოვთ, საგნების შერჩევის შესახებ კონსულტაცია გაიაროთ თქვენი სკოლის ასისტენტთან.

ენის მოთხოვნები

სტუდენტებს ეძლევათ საშუალება ისწავლონ UPJS-ში ინგლისურ ენაზე. სწავლისთვის მინიმალური ენის მოთხოვნა B2 დონე, რომლის დადასტურებისთვის სტუდენტს ეძლევა რამდენიმე გზა:

1.       საერთაშორისოდ აღიარებული ენის დამადასტურებელი სერტიფიკატის წარმოდგენა (IELTS, TOEFL ან სხვა სერტიფიკატი, რომელიც ვალიდურია აპლიკაციის შემოტანის მომენტში და შეესაბამება CEFR B2 დონეს)

2.       საქართველოს უნივერსიტეტში ინლგისური ენის B2/2 დონის წარმატებით დასრულება (აპლიკაციის შემოტანის მომენტში B2/2 საფეხური უნდა იყოს დასრულებული). ამ შემთხვევაში სერტიფიკატის წარმოდგენა არაა აუცილებელი. სტუდენტის ინგლისური ენის ცოდნის შეფასება მოხდება მის მიერ ინგლისურის შესაბამის კომპონენტებში მიღებული შეფასებების მეშვეობით.

3.       ინგლისური ენის ტესტირება. ტესტირების შესახებ ინფორმაციას სტუდენტები მიიღებენ MY UG შეტყობინებების მეშვეობით.

წარმოსადგენი საბუთები

სტუდენტმა უნდა წარმოადგინოს შემდეგი საბუთები ინგლისურ ენაზე:

·         აპლიკაციის ფორმა - ჩამოსატვირთად გადადით ლინკზე - https://bit.ly/3Aa7K7w

·         სამოტივაციო წერილი

·         CV (Europass ფორმატი - https://europa.eu/europass/en/create-europass-cv)

·         მიმართვის წერილი შესაბამისი სკოლიდან (გთხოვთ, მიმართეთ შესაბამისი სკოლის ასისტენტს)

·         ინგლისური ენის B2 დონის დამადასტურებელი სერტიფიკატი* - TOEFL, IELTS ან სხვა საერთაშორისოდ აღიარებული სერტიფიკატი

·         პირადობის დამადასტურებელი მოწმობა/პასპორტი (ელ.ვერსია)

·         თუკი სტუდენტი იმყოფება სამაგისტრო ან სადოქტორო საფეხურის სწავლების პირველ სემესტრში, და წინა საფეხური (საბაკალავრო ან სამაგისტრო, შესაბამისად) არ აქვს დასრულებული საქართველოს უნივერსიტეტში, მან დამატებით უნდა წარმოადგინოს წინა საფეხურის ნიშნების ფურცელი ინგლისურ ენაზე შესაბამისი უნივერსიტეტიდან.

*თუკი სტუდენტს დასრულებული აქვს B2/2 დონე საქართველოს უნივერსიტეტში ან წარმატებით გაივლის გაცვლითი პროგრამისთვის დანიშნულ ინგლისურის ტესტირებას, სერტიფიკატის წარმოდგენა არაა საჭირო

აპლიკაცია

აპლიკაციისთვის საჭიროა შემდეგი ფორმის შევსება: https://forms.gle/pc82ZMbvu57hQE8dA

სტუდენტების შეფასება მოხდება წარმოდგენილი საბუთების საფუძველზე მათი აკადემიური მოსწრების გათვალისწინებით. აკადემიური მოსწრების კომპონენტისთვის სტუდენტს არ სჭირდება დოკუმენტაციის წარმოდგენა (გარდა გამონაკლისი შემთხევებისა, როდესაც სტუდენტი იმყოფება სწავლების პირველ სემესტრზე, დეტალები იხილეთ წინა სექციაში)

სტუდენტების შერჩევა მოხდება კონკურენციის პრინციპით.

აპლიკაციის გამოგზავნის საბოლოო ვადაა 7 დეკემბერი (ჩათვლით)

საკონტაქტო პირი

დამატებითი ინფორმაციისთვის მიმართეთ:

ნუცა ვეფხვაძე

n.vepkhvadze@ug.edu.ge

+995 557747097