სკოლის შესახებ
საქართველოს უნივერსიტეტის სამართლის სკოლა 2005 წელს დაარსდა და დღეისათვის ყველაზე დიდი კერძო სამართლის სკოლაა საქართველოში (მთლიანობაში, სიდიდით მეორე ადგილზეა), სადაც დაახლოებით 1500 სტუდენტი სწავლობს და ახორციელებს სამართალმცოდნეობის საბაკალავრო, სამაგისტრო და სადოქტორო პროგრამებს.
სკოლა გამორჩეულია ინოვაციური მიდგომებით, თანამედროვე გამოწვევების შესაბამისი პროგრამით, ლექტორების მაღალი პროფესიონალიზმით და წარმატებული კურსდამთავრებულებით. სასწავლო პროცესი მთლიანად მიმართულია პრაქტიკული უნარ-ჩვევების გამომუშავებასა და ამ გზით - კონკურენტუნარიანი სპეციალისტების ჩამოყალიბებაზე.
სამართლის სკოლა აქტიურად მონაწილეობს როგორც ეროვნულ, ისე ყველაზე პოპულარულ საერთაშორისო შეჯიბრებებში.
სამართლის სკოლაში მდებარეობს კავკასიის რეგიონში TOLES სამართლებრივი ინგლისურის ერთადერთი ცენტრი. TOLES დაფუძნებულია ბრიტანეთში და არის სამართლებრივი ინგლისურის ერთადერთი საერთაშორისოდ აღიარებული გამოცდა, პრაქტიკოსი იურისტების სამართლებრივი ინგლისურის ცოდნის დონის შესაფასებლად. აღნიშნული პროგრამით სამართლებრივი ინგლისურის გავლა სამართლის პროგრამების სავალდებულო ნაწილია.
ჩვენი სკოლის მოტოა - „For Law And Liberty“ და ამით ბევრი რამე ნათქვამია!
